பல்வேறு அரசியல் இயக்கங்களை சேர்ந்த அரசியல் கட்சி தலைவர்கள் குறிப்பாக அமைச்சராக இருந்த பண்ருட்டி ராமச்சந்திரன், தமிழ்நாடு காங்கிரஸ் கமிட்டி தலைவராக இருந்த எம்.பி.சுப்பிரமணியம், திண்டிவனம் இராமமூர்த்தி, வாழப்பாடி ராமமூர்த்தி, எம்.கிருஷ்ணசாமி, இரா.அன்பரசு, வீரபாண்டி ஆறுமுகம், செஞ்சி இராமச்சந்திரன், மதுராந்தகம் ஆறுமுகம், நெல்லிக்குப்பம் கிருஷ்ணமூர்த்தி, இராமசாமி படையாட்சியார், மயிலாடுதுறை கிட்டப்பா போன்ற பல்வேறு அரசியல் இயக்கங்களை சார்ந்த வன்னியர் பிரமுகர்கள், டாக்டர் ராமதாஸ் தலைமையில் செயல்பட்ட வன்னியர் சங்கங்களின் செயல்பாட்டினை நேரடியாகவும், மறைமுகமாகவும், தங்களது ஆதரவினை தெரிவித்து இந்த சமுதாய மக்கள் உயிர்பலியினை தடுத்து நிறுத்துவதற்கு பெரும்மளவில் முயற்சி செய்தார்கள். பேராசிரியர் தீரன் அரசு பணியில் இருந்து டிஸ்மிஸ் செய்யப்பட்டார். எண்ணற்ற கிராமங்களில் ஏராளமான இளைஞர்கள் காவல்துறையின் தாக்குதல்களுக்கு உள்ளாகி பொருளாதார இழப்புகளை சந்தித்து தலைமறைவு வாழ்க்கை வாழவேண்டிய கட்டாயத்திற்கு தள்ளப்பட்டார்கள்.
ஆயிரகணக்கானவர்கள் மீது கடும் குற்றச்செயல் வழக்குகள் பதிவுசெய்யப்பட்டன. லட்சக்கணக்கான இளைஞர்கள் மீது வழக்கு பதிவு செய்யப்பட்டு நீதிமன்றத்துக்கும், காவல் நிலையத்திற்கும் தங்கள் அன்றாட வாழ்க்கையை இழந்து அலைந்து திரிந்தார்கள். பல்வேறு வகையில் உயிர் தியாகம் செய்து பொன் பொருள்களை இழந்து உருவாக்கப்பட்ட வன்னியர் சங்கம் காலப்போக்கில் அரசியல் இயக்கமாக உருவெடுத்தது. அதிமுக, திமுக போன்ற திராவிட கட்சிகளுடனும், காங்கிரஸ், பாஜக கட்சி போன்ற தேசிய கட்சிகளுடனும் கூட்டணி அமைத்து தேர்தல் களத்தில் போட்டியிட்டு சட்டமன்றம் நாடாளுமன்ற உறுப்பினர்களை பெற்று காங்கிரஸ் மத்திய அரசில் காங்கிரஸ் ஆட்சியிலும் அங்கம் வகித்தது. பாஜக ஆட்சியிலும் அமைச்சர்களாக பாமாகவினர் அங்கம் வகித்தனர்.
இந்த வகையில் பாமகவில் இருந்த சிலர் சட்டமன்ற உறுப்பினர்கள், நாடாளுமன்ற உறுப்பினர்கள், பாமகவில் இருந்து விலகி அதிமுக, திமுக, பாஜக இணைந்தார்கள். 1989 ஆம் ஆண்டு வன்னியர் சங்கம் தேர்தலை புறக்கணித்தது. திமுக தலைமையில் ஒரு அணியும், அதிமுக இரண்டாக பிளவுப்பட்டு ஜானகி தலைமையில் ஒரு அணியும், ஜெயலலிதா தலைமையில் ஒரு அணியும், தமிழ்நாடு காங்கிரஸ் கட்சி தனித்தும் மூப்பனார் தலைமையிலும் தேர்தலில் போட்டியிட்டது.
எம்.ஜி.ஆர். மறைவுக்கு பின் 13 ஆண்டுகள் ஆட்சியில் இல்லாத திமுக 1989 ஆம் ஆண்டு தமிழ்நாட்டில் ஆட்சிக்கு வந்தது. முதல்வர் கலைஞர் கருணாநிதி அவர்கள் வன்னியர்களின் கோரிக்கையை ஏற்று 107 சாதிகளை இணைத்து 20% இடஒதுக்கீடு வழங்கி மிகவும் பிற்படுத்தப்பட்டோர் பட்டியல் உருவாக்கி அறிவிப்பை வெளியிட்டார்கள். அதன் பிறகு அரசு பணிகளிலும், கல்வி வேலைவாய்ப்பிலும் வன்னியர்களுக்கு போதிய பிரதிநிதிதுவம் கிடைக்கவில்லை என்ற குற்றச்சாட்டு எழுந்தது. திமுக, அதிமுக கட்சிகளுடன் கூட்டணி அமைத்து தேர்தலில் போட்டியிட்ட பாட்டாளி மக்கள் கட்சி தனி ஒதுக்கீடு குறித்தோ அல்லது 20% ஏற்பட்டுள்ள குறைப்பாடுகள் குறித்தோ எந்தவிதமான கோரிக்கையையும் அரசாங்கத்திடம் முன்வைத்து வன்னியர்களுக்கு சலுகைகளை பெற்றுத்தர முன்வரவில்லை.
இந்த நிலையில் பாட்டாளி மக்கள் கட்சியின் வளர்ச்சி வேகமாக தமிழகத்தில் வளர்ச்சிப் பெற்றது. மத்திய ஆட்சியின் பங்கும் மாநில அரசின் சட்டமன்ற உறுப்பினர்களை கொண்டும் அதிகாரத்தில் இருந்து வந்தது. குறிப்பாக மத்திய அரசில் அங்கம் வகித்தப்போது மருத்துவத்துறை, சுரங்கத்துறை, இரயில்வே துறை, பெட்ரோலியத்துறை போன்ற முக்கிய துறைகளில் அமைச்சர்களாக அங்கம் வகித்தார்கள். அப்பொழுதும் வன்னியர்களின் போராட்ட காலத்தில் முன்வைத்த கோரிக்கைகளை பரிசீலனை செய்து அரசு பணிகளில் வன்னியர்கள் பெருமளவில் வேலைவாய்ப்பை பெறவில்லை..
மாறாக வன்னியர் என்பதால் அரசு துறையிலும் தனியார் நிறுவனங்களிலும் பணியில் சேர்வதற்கு வாய்ப்பு கிடைத்தும், பல பேர் புறக்கணிக்கப்பட்டார்கள். வாய்ப்பை இழந்தார்கள் இது கடந்த கால வரலாறு. டாக்டர் அன்புமணி ராமதாஸ் நாடாளுமன்ற மேலவை உறுப்பினராகவும், தருமபுரியின் நாடாளுமன்ற மக்களவை உறுப்பினராகவும், 2004 ஆம் ஆண்டு மத்திய சுகாதாரத்துறை அமைச்சராகவும் பாட்டாளி மக்கள் கட்சியின் பிரதிநிதியாக பதவி வகித்தார். அரசு தரப்பில் இருந்து பல்வேறு நல்ல காரியங்களை அவர் செய்திருந்தாலும் சமுதாயத்திற்கு என்று அவர் நேரடியாக எத்தகைய முறையில் உதவி செய்திருக்கிறார் என்பது அவர் அறிவித்தால் மட்டுமே புரிந்துக்கொள்ள முடியும். அவரது சாதனையில் 108 ஆம்புலன்ஸ் பிரபலமாக பேசப்படுகிறது.
சில அரசு மருத்துவமனைகளுக்கு கூடுதலாக நிதியினை ஒதுக்கி சிறப்பு அந்தஸ்து பெறுவதற்கு உதவி செய்திருக்கிறார். மது ஒழிப்பு, புகையிலை ஒழிப்புக்கு போன்றவற்றில் உலகத்தார் கவனத்தை ஈர்த்துள்ளார். ஆனால் வன்னியர்களுக்கு என்று குறிப்பிடும்படியான எத்தகைய நிலையினை அவர் எடுத்தார் என்பது இதுவரை பிரபலம் அடையவில்லை . இருந்தாலும் வன்னியர் சங்கமும் பாட்டாளி கட்சியும், டாக்டர் அன்புமணி ராமதாஸ் அவர்களை தலைவராக ஏற்றுக்கொண்டு அவரது பின்னால் அணிவகுத்து செல்கின்றார்கள். கடந்த 33 ஆண்டுகளுக்கு மேலாக அரசியல் கட்சியாகவும், 10 ஆண்டு காலம் வன்னியர் சங்கமாகவும் பாட்டாளி மக்கள் கட்சியின் அங்கமாகவும் திகழ்கிறது. வன்னியர் சங்கம் என்பது அனைவரும் அறிந்ததே!
இந்த நிலையில் சமீபத்தில் பத்திரிகையாளர்களுக்கு பேட்டியளித்த டாக்டர் அன்புமணி ராமதாஸ் அவர்கள் பாட்டாளி மக்கள் கட்சி வன்னியர்கள் கட்சி என்ற கரை என் மீது படிந்திருந்தது. அந்த கரை தற்பொழுது விலகி விட்டது என்று பாட்டாளி மக்கள் கட்சியின் தலைவர் ஜி.கே.மணி அவர்களை அருகில் வைத்துக் கொண்டு செய்தியாளர்களுக்கு பேட்டி அளித்துள்ளார். பாட்டாளி மக்கள் கட்சி வன்னியருக்கு மட்டும் சொந்தமான கட்சி இல்லை என்று சொல்வதில் தவறில்லை. ஆனால் வன்னியர்கள் கரை என்று சொல்வதும் நான் வன்னியர் சங்கத்திற்கு அப்பாற்பட்டவன் என்று கூறுவதும் எந்த வகையிலும் ஏற்றுக்கொள்ள முடியாத ஒரு அதிர்ச்சி தகவலாகவே பார்க்கப்படுகிறது.
பாட்டாளி மக்கள் கட்சி என்றால் அது வன்னியர்களின் வாக்குவங்கி என்று நினைத்து தான் அதிமுக, திமுக. பாஜக, காங்கிரஸ் கட்சிகள் கூட்டணியை விரும்புகிறார்களே தவிர, தனிப்பட்ட டாக்டர் இராமதாஸ் அவர்களையோ, டாக்டர் அன்புமணி அவர்களையோ விரும்பி கூட்டணியில் எந்த அரசியல் கட்சியும் சேர்ப்பதில்லை. தமிழக அரசியல் கட்சி தலைவர்களில் அறிவார்ந்த புதிய சிந்தனை, புதிய திட்டம், புதிய வழிகாட்டுதல் போன்றவற்றில் டாக்டர் அன்புமணி அ நான் வித்தியாசமானவர் என்று தன்னை அடையாளப்படுத்திக் கொள்ளட்டும். அதில் தவறில்லை! ஆட்சேபனையும் தேவையில்லை! மஞ்சள் சட்டை அணிவதை வரவேற்கிறோம். மற்ற அரசியல் கட்சி தலைவர்களை விட தான் முதன்மையானவராக விளங்கலாம். அதற்காக வன்னியர்களை குறைத்து மதிப்பிட வேண்டிய தேவையில்லை. வன்னியர்களை புறக்கணித்துவிட்டு அரசியலும் செய்யாதீர்கள் என்கின்ற அன்பான வேண்டுகோளை அதிர்ச்சி அடைந்த வன்னியர்கள் சார்பில் தங்கள் கவனத்திற்கு கொண்டு வருகிறோம்.
வன்னியர்களை விட்டு விலகிச் செல்வதால் எத்தகைய வளர்ச்சியை தாங்கள் அடைய முடியும்? தமிழ்நாட்டை பொறுத்தவரை ஐஎஸ்ஐ முத்திரை பதித்த சங்கம், வன்னியர் சங்கம் மட்டுமே. ஆனால் ஒற்றுமையின்மை மட்டும் இவர்களிடம் இல்லை என்பது மிக மிக வருத்தமே.
இப்படி ஒரு புலம்பல் பொதுவாக வன்னியர்கள் மத்தியில் ) எழுந்துள்ளது என்ற தகவல் நம் காதுகளுக்கு எட்டியது. அதனை வெளிப்படுத்தும் விதமாக இந்த பதிவினை வாசகர்களுக்கு வெளியிடுகிறோம்.
ஏற்பதும், மறுப்பதும் அவர் அவர்கள் விருப்பம்! வாசகர்களின் விருப்பமே எங்கள் விருப்பம்!
- அக்னிமலர்கள் (24.10.2020)
